راية العز ” قصيدة للشاعر ” ربيعان مطر السعدي

-

والله لاجيب القوافي والاشعار
وأقول ياشعري تفاخر بسلمان

سلمان ساس المجد من نسل الاحرار
اللي لهم من راية العز عنوان

آل السعود اللي يدوسون الاخطار
لاهمهم إيران ولا أذناب إيران

دكو حصون أهل الظلالة والاشرار
وداسو على الباغي وعلى كل طغيان

ومكبدينه بالخساير والاضرار
وشبو على رووس المعادين نيران

العدل من ميزة طويلين الاشبار
مثبتينه مااختلف فيه ميزان

وولي عهده بالعزيمه والاصرار
رسم لنا الرؤيا بدقه وإتقان

ياكبر فخرك ياالعلا جوك زوار
من الخليج ومن طواريف الاوطان

مدينة التاريخ تلفت للانظار
شموخها فوق الجدي كل مابان

تفاخري من قدك بكل الاقطار
ياجامعه للخير شعوب وأخوان

الله يازين العلا عقب الامطار
تضحك لها الغيمه وتخضّر الاغصان

كن العلا باقه من ورورد وازهار
كنك ليامن جيتها وسط بستان

سحر الطبيعه يجتمع فيه الابهار
لوحه ومرسومه على يد فنان

عشق العلا بقلوبنا صغار وكبار
كذا من الله ماتغيره الأزمان

 

شعر

ربيعان مطر السعدي

عضو مؤسس جماعة وادي القرى للشعر