علمي ولَّا أدبي؟ خاطرة قصيرة بالعامية المصرية

-

علمي ولَّا أدبي؟ “خاطرة قصيرة بالعامية  المصرية”

بقلم وصوت كاتبة صحيفة الوطن نيوز

الدكتورة/ منى فتحي خليل – مصرية – أستاذ مساعد – جامعة الإمام عبد الرحمن بن فيصل.

علمي ولَّا أدبي؟ ..
و ليه ما يكونوش الاتنين

توأم واخوه، بيضة واحدة ..
واتقسمت كتكوتين

اتنين والأصل واحد ..
بينادوا له بإسمين

‏ده علم نور للعقل..
والروح لاخوه في حنين

ولما تشوفهم سوا ..
يا سلااااام .. أد ايه حلوين

‏طير بيحلق في السما ..
و هما له جناحين

‏آية من آيات ربنا ..
ذي ‏الحَوَر في العين

‏شعر ده ؟ لا بيولوجي ..
ولَّا ده زجل لجاهين

[‏الحَوَر: شدة البياض في بَياض العين مع شدة السواد في سوادها.
‏بيولوجي: من الكلمات المُشتقّة من اللغة اليونانيّة وتعني علم الأحياء أو الحياة.
جاهين: هو ‏محمد صلاح الدين بهجت أحمد حلمي، المعروف بـ صلاح جاهين (25 ديسمبر 1930 – 21 أبريل 1986 م) شاعر ورسام

كاريكاتير وممثل مصري “ويكيبيديا”]

 

تحياتي،
منى خليل

 

Twitter:Dr.MonaKhalil@DrMonaKhalil1